唔見女大、但見衫短

古老人話：唔見仔大、但見衫短！即係一路揍住個B，唔覺佢長大咗，但係發現佢著開嘅衫越來越短！

我地發現孫孫平時著開果套衫..........

 
以前要摺少少，e家唔夠長！

慶祝孫孫處女下水@屯門三聖街廣東名門

上星期五，離開鯉景灣，隨即借慶祝孫孫處女下水為名，約埋伯婆、舅父、小牛表哥仔（全部稱呼由孫孫出發）專誠由東區入到屯門擦番餐！

話說3叔姐同開心少婦組已經食過兩次『名門』，極力推介，咁就『名門』啦！不過食乜就由女婿發辦，我都係........我只可以睇多過食.....應該係影多過食，唔比咁多意見喇！何況係佢請哩 ^o^

  

“小牛表哥仔，唔好掛住打機，望下我啦！”

孫孫@Bubble Bebe SPA

我地買咗一張BB游水+SPA 嘅coupon，擇咗上星期五吉日，一行5人，去到鯉景灣Bubble Bebe SPA，同孫孫黎個下水禮！

都知道樣樣野第一次唔會咁順灘，結果，孫孫喊到飛起。雖然婆婆媽媽在旁安慰，始終幾個月人仔，有d驚！終於一路喊一路掉佢落水，不過佢由捉住媽媽對手，到放開自己撐下撐下，覺得又幾好玩喎！先至唔喊。

游完水，有個auntie除佢片幫佢叫做沖涼啦，又大喊！梗係啦，平時得婆婆媽媽兩個同佢沖涼架咋，e個auntie係邊個黎架！

因為怕“生保”，SPA推油由瞓響床推都改為由媽媽抱住推。

攪一大爛餐之後，食埋奶，上返車就響我懷中瞓著了！

(可以上YouTube睇片)
http://youtu.be/Zs7sG6GJXv8
https://youtu.be/Q4VskVyX1dY

 

- 公公，下次咪攪我喇！ -

孫孫影証件相

帶孫孫去影証件相，影相啫！都唔一定係去旅行，仲咁細，去得邊呢！

同BB影相唔容易，影証件相更加難，因為佢唔會同你坐定定望鏡頭咁影。終於：Mon姐扶住孫孫、杜太（老闆娘）引佢、阿康（曬相師傅）影……點知攪咗一段時間都未影到，期間又有其他客要曬相或者攞相。

舖頭門口已經集結咗一d街坊，『呀！BB好得意呀！』『仔黎架！』（竟然著住裙都話仔！）『女黎架！』『咁再生一定係細佬喇！』『佢好笑容架！』

我終於出手，用我部G7X，等我黎！

(原來打錯2015.05.26，應該係2015.07.26)

 (原來打錯2015.05.26，應該係2015.07.26)

(原來打錯2015.05.26，應該係2015.07.26)

- 唔該公公，我鍾意下排中間果張 -

學坐椅

上網淘咗兩張『學坐椅』，平均每張$80.-。

先開一張比孫孫坐，睇下佢有無興趣先。初期佢都好有興趣，坐得4平8穩，並且想食個鴨頭。當然唔得，用條沙巾包住鴨頭唔比佢咬。

再坐耐d，佢開始無興趣，要起身！