感謝主，當工作上面對無止境的壓力時，我又遇見祢。
話說某日放工，遇上3叔姐的開心少婦組有聚會， Mon姐又拍拖，習慣性地行咗去吉之島，通常如果有咁 free嘅晚上，都會行一陣至返屋企。
去到吉之島2樓以琳書局，行到書架前，好多書，偏偏我就見到“30天戰勝你的壓力”e本書，拿上手，隨手揭開頭幾頁，我偏偏就見到：“.....而那壓力源可能就是那些你一直引以為傲的事...”。
Oh my God！咁中？同事都知道我響公司最引以為傲就係 Excel 比人熟。我將好多report、steps、summary、analysis、statistic、經我手我都用 Excel 將佢地又快又準咁做出黎；既準確、又快捷。我見到同事成日做嘅重複工作，我又出手用 Excel 寫d 自動程式幫下佢地，於是，同類事情越做越多，越做越復雜，錯誤，就開始誕生，一錯，就急，一急，又錯.........新嘅 job request 又黎....e家平均每個月加加埋要做超過50個 report，有 d 日日做，有 d 月月做，有 d 即刻做，攪到自己血壓高血糖高.......原來“.....而那壓力源可能就是那些你一直引以為傲的事...”，神一早就知道！
馬太福音11章28節：“凡勞苦擔重擔的人可以到我這裡來，我就使你們得安息。”，我差點因為忙碌而忘記了。
