夜遊飛鵝山

食完“得龍”，返上車，時間尚早，去邊呢？大家你一言我一語……最後由3叔姐話事，居然…………去飛鵝山！

咁激？未試過夜晚去喎！靜唔靜架？危唔危險架？車尾仲有d猶疑，車頭嘅朱古力已經風馳電掣，踩行turbo咁向飛鵝山方向前進！

由山腳上山行咗十幾分鐘都仲有屋仲有街燈，點知，一路上…乜燈都無，人又無車又無，霧就有d…講真，驚驚地架！反而Mon姐安慰我地：唔怕，上便好多人架！

到喇！都有4、5架車！不過……濛查查！

逗留咗5分鐘，走！行行下有架鐵馬停響度

原來佢前面有兩隻野豬慢慢行阻住。差人都好心，趕佢地返入草叢至離開

到達下一個觀賞位

差唔多。無辦法，天氣唔好，又無腳架…

落山！去西貢滿記食埋糖水至返屋企。

 

- 預祝3叔姐：聽日生日快樂！ -