響匯豐銀行舊總行見到好多現金

如果半山真係無電話壞, 就要落山，落山後通常做愛丁堡廣場一帶d大廈，包括舊匯豐總行。

舊匯豐總行，一座極grand嘅建築物，大堂宏偉，感覺涼浸浸嘅，中間一條通道上二樓，兩邊係櫃台...........唔記得詳細環境喇，不過仲有兩個深刻印象 :

1) 大堂放線只可以放明線，因為雲石地板，麻石樓梯，無預設喉通，有都爆晒，唯有放明線，放明線只准黐唔淮釘。

2) 有一次有機會入保險庫，手續都麻煩，但不及域多利監房，過兩度鐵門，入到去，嘩！錢呀！兩張乒乓波台咁長嘅一張台上，全部係錢，山咁高，一班人坐兩邊數錢，原來一叠叠銀紙由機器數過，要再經人手數多次，先至用紙綑好。

依世人都未見過咁多現金。

舊匯豐總行響1978年尾拆咗喇。( 我都有幸見證到新舊匯豐總行嘅存在！)