香港贏日本

感謝3叔姐幫我跑去通利買飛, 否則會錯過今日咁精彩盛事. 其實我都醒, 前晚睇完香港贏朝鮮, 知道今日對日本必有惡鬥, 唔入場實走寶, 對唔住自己. 我搵3叔姐幫手買飛, 佢當然義不容辭啦! 因為買完飛佢順便約腳.

以下係一d關於今日場波的感受及所見 :

陳肇麒入球及與羅生擁抱的感人照片我copy來留念:

• 日本踢得比香港好, 但欠臨門一腳, 及頂不住射12碼時的噓聲, 我都有出盡力, 噓到出唔到聲都噓

• 好彩香港贏, 否則輸給一班剛讀完中學的日本隊實不勘設想, 話哂香港全隊已經係職業球員

• 賽前梁孔德有病入廠”南斯拉夫”羅生做領隊好聰明, 因為羅生至可以領導港隊, 港隊11個正選7個踢南華

• 賽會前一晚話所有門票賣哂, 連同所有免費飛派哂, 明晚決賽將全場爆滿, 但現場只得8成 (31884)入坐, 好明顯有人拿著免費飛卻無入場, 浪費了

• 拿著免費飛的學生哥, 有d根本唔識睇, 唯有玩PSP, 13張, 四圍影相, 食野….有些更問:邊隊係香港呀?

• 最討厭打氣棒, 後面條友仔起碼扑中我個頭3次, 仲砰砰砰砰砰砰砰砰砰砰砰砰砰砰砰…..在我後腦頂開波拍到完場

• 開波前港隊熱身時龍門拉住網條繩竟然斷了, 如果踢踢下時斷就好笑

• 球例規定和波加時30分鐘, 但加時下半場大鐘當時只是14:45 (還有15秒) 個越南球証居然吹雞完場, 成班日本球員圍住佢 why? why? why? why? why? why?

• 加時前球迷又玩人浪, 居然7圈都無斷, 開波至停

• 大球場個大電視間中影下特首, 球迷一見到就大叫: 普選普選