自由與失落

3叔姐偶然有兩日唔響屋企，只係兩日，先先覺得都好自由，但係之後又有d失落。自由嘅感覺，其實好快就閃過，因為佢響度嘅時候我都好自由；隨之而黎嘅失落，係因為，無啖好食。想食飯又無人煮，想食橙又無人搣。

同阿女去飲茶，嘩！間酒樓人山人海，走去食西餐算喇。但係如果3叔姐響度，我地實有茶飲。

同阿女去食晚飯，嘩！夜晚都人山人海？走去食大家樂算喇。但係如果3叔姐響度，我地實有住家飯食。

3叔姐上星期至去完順德，今個星期又跟埋學花店實務嘅 Miss 上廣州，睇下一間花店各類用品嘅批發零售市場。

第一晚3叔姐響電話講：我地食完飯行緊荔灣湖呀，好靚呀！下次同你黎。E 家睇相，都影得幾好。