基督教喪禮

好少見到喪禮有人影相，除非係大人物，但都只限於門外。

有次有位姊妹的母親過身，姊妹約我見面 (其實大家同屬一個夫婦組團契，返埋一個堂，唔使約都已經成日見面)，想搵我幫手在佢母親喪禮時影相，問我驚唔驚。梗係唔驚啦，不過未影過，唔知佢想點影...... 姊妹先解釋影相原因，主要係懷念母親，再因為有親人響外國趕唔到返尼，委托在港親友代送花圈花牌.....咁，我識影喇。

牧師一早到場祈禱，之後特別關照我：除非人地叫影，否則唔好影到樣....同牧師合作影教堂結婚相就多，果次合作都係第一次。

出席喪禮的有好多都係弟兄姊妹識得我，見到我揸住相機都無奇怪，因為當年教會大小喜慶浸禮 等都關我事。數下手指，影浸禮超過15年喇。如果一年4浸，每次30人，都唔少野。

開始影相喇，always remind 自己，唔好輕挑，唔好好似影結婚相咁叫人笑....影遺照時都尊尊敬敬，因為全程唔用閃燈，所以都行得好近影....影個禮堂，同埋唔好影漏花圈花牌祭帳....影幅詩班....影幅講道....影幅全場 wide shot....影幅 3個1排4個1列背影相....有少數親友要我同主家合照....影相 e part 都其實無乜野做，影夠就已經ok. 影完居然有封利是。

事後曬相時都好好笑，因為特別關照曬相個 friend：那！喪禮相尼架，如果曬左出尼見到 d 相多左 d 乜野都要比我睇呀，唔好撕咗佢呀！