『請讓座給有需要人士』(1)

剛剛睇完Esther 個Blog，佢話佢由葵興搭地鐵去樂富，懷住6個月身孕，無人讓座。

我記得有次由沙田坐火車出紅磡，有位坐，坐坐下見有個阿婆上車，我隨即起身讓坐，點知企阿婆隔離嘅男人一野坐咗落去。我話：大佬我起身係讓位比阿婆坐架！點知佢話：個位你架？真係火都起埋，咁無恥嘅人都有？仲算唔算人呀？當我正想掟佢落火車之際，有人起身讓佢個位比阿婆坐。條友仔至逃過大難。

人地日本人，你話真又好虛偽又好，有禮貌過中國人多多聲。有次我一家3口坐JR山手線，一上車見車頭位置有位坐，坐低，咦！點解咁多日本人寧願企都唔坐果幾個位？一睇背後告示，原來車頭車尾果排位係留比有需要入士嘅！即刻慢慢起番身。

我以前搭地鐵唔鍾意坐e家都坐，霸住個位，見有需要就讓座。