地球末日戰 – 85分 康怡全院滿座

電影廣告一出已經打算睇『地球末日戰』，結果足足等咗一個星期，今日上畫，趕去康怡睇8點場。7點9去到，得番第一行幾個位......有無攪錯！好耐無試過咁旺喎，跟住賣飛妹妹一指，居然最後一行角頭有一個位，哈！留比我嘅！

講番套戲，正！無珍禽異獸，無鐵甲威龍，齋人，但係特技就好迫真，場面好震撼.......一開場，唔使多講就開始扣人心弦，發生乜野事呢？對手係邊個呢？去到差唔多尾，發覺自己已經睇得好投入之外，仲眼泛淚光，原來已經比畢彼特嘅成功感動咗！讚！