激戰 — 80分，可以一看

無打算睇『激戰』，但之前有同事話唔錯，最重要係3叔姐都推介，所以.......睇咗！唔止睇咗，我都comment佢：可以一看！

唔好以為我嘅"可以一看"係麻麻咁解。我對港產片要求好高，等閒我都唔會睇，睇都好少讚，因為始終外語片大制作，抵睇好睇好多。(舊年嘅『鐵甲鋼拳』就好睇過『激戰』！)

『激戰』打鬥場面OK，唔多講。比較讚係張家輝式嘅攪笑，都頗多笑位。特別係“咀”果場戲！

劇情，有d攞戲黎做；果對母女角式有d牽強；d大隻佬，吸引女觀眾可以；音響唔錯！

好意外居然有梅婷做，雖然梅婷嘅化妝大部份時間都要黑眼圈，不過仍然遮唔住佢嘅冷艷，仲算好靚！