第一份工，36年

上星期好平靜但係好繁忙咁渡過咗入職36年嘅紀念。好平靜，平靜到只係放工同3叔姐去詠藜園食碗擔擔麵就算；好繁忙，係忙到連半日假都攞唔到（其實係唔得閒攞），想好好慶祝都唔得。

近期都頻頻有榮休飯食，有d老同事都係做咗36-7年就退休，下面幅相就係其中一個退休同事嘅紀念品，公司送嘅：

e個金牌，大約兩半重，以目前大約$14,000一兩計，都賣到$21,000架！攞e個金牌都唔容易，要做滿15年+55歲至夠資格，我舊年都仲未攞到！不過，e家我幾時想攞，只要比個30日通知HR就攪掂！