套戲已經做咗超過一星期，所以好老定咁4點2去到廣怡買4點5飛，點知，得頭兩行！唔係嘛？一張飛咋喎！卡窿位都無？唉，第二行得邊位，即係要買第一行，唔睇！
即check太古城，聽日至有得做。心想，都黎到啦，4點4，仲未開場，買第一行啦！
其實賣飛個妹妹已經提我第一行好近架，真係，頭岳岳咗5分鐘頸都痛埋，走喇！寧願去最後面企響度睇。
又企咗5分鐘，見佢最後排有6個spare救急位始終無人坐？咁我唔客氣喇！由第一行變咗坐最後.....
講番套戲先！
睇科幻片真係好怕佢口水多過茶！變種特攻已經拍咗好多集，你都唔使成日講返以前！對白又多！剪接都唔好，成日『現在』『過去』飛來飛去！都比佢55分全靠兩場戲：
- 響廚房個超級慢鏡既自然，又迫真，講個『快閃俠』快到一殺那間安排好晒d子彈點飛，然後黎真嘅......
- 『萬磁王』整起個圓形運動場，飛去白宮上面再“蓬”一聲放落去，好震撼.......
沒有留言:
張貼留言