電影資料館內搵到『南國電影』

電影資料館於2001年開幕，我到e家先至入去，認真慚愧。

入到去，電影院要有電影放先至入得、展覽廳展覽緊陳年攝影機又唔準影相，入到資料中心.......只不過好似圖書館咁！無乜野睇！







正想離開資料中心，赫然發現有書架放咗『南國電影』！

網上相片

『南國電影』係陪住我長大嘅雜誌，想當年，同兩位堂兄各有偶像：

老健 - 李菁
老強 - 秦萍
3叔公 - 何莉莉
男演員 - 狄龍

當時見到佢地d相就儲......

e家仲可以響網上搵到d相 :

李菁

秦萍

何莉莉

狄龍

e家講番出黎都驚比人笑，不過，當年十幾歲，鍾意『明星』應該好正常。當年『明星』好有星味，唔輕易出黎見人！一出就好轟動。e家嘅『演員』，應該唔容易做返以前『明星』嘅感覺！

講番本『南國電影』，當年3叔公都寫過信去“徵友”，就係咁，識咗筆友Suli！今次竟然比我響第188期（每本$1.50）搵到自己個名，都幾得意（可惜唔準影相或者影印）。