添好運食點心

星期3得兩個人食晚飯，懶煮，同3叔姐響城市花園添好運食咗：牛肉、排骨飯、菜、潮州粉果、蝦餃、桂花糕、焗叉燒飽........，超晒標，太過份。原因係好耐無試過咁正嘅點心喇。點心由旁邊嘅廚房蒸好送到台面，最多一分鐘，加上材料新鮮、味道調較得好等等，相信就係『正』嘅原因。

兩個人捧住滿意嘅肚腩埋單。$122! 不過細心想想，做食物就係要咁啦，添好運只不過保持水準，而其他食肆唔爭氣做得差啫！好似先排嘅工夫點心，一邊食一邊決定唔再幫襯。抵添好運好生意同埋米之蓮一星！