變形金剛 4 - 殲滅世紀 (3D) - 40分，超級制作、超級特技.....唔錯！but, 唔係我杯茶!

公映第一場就睇，絕對係好奇佢究竟拍到鰂魚涌點，當日 ( 舊年 ) 一大班人黎鰂魚涌睇景，並且租咗東滙酒樓5号廳放器材两日，每日$4萬，又鋪電線出英皇道……可惜要返工睇唔到佢點拍。

真利害，本來無一物，點樣整咁多變形金剛響度追打呢？

估唔到益發、益昌樓被睇中，更因為有勒索，增加 咗知名度

主角就係響e d 騎樓簷蓬跳落去

 除咗好奇，套戲都.......話佢唔好睇又唔係，差10分鐘做咗3個鐘，曾經瞓著、曾經睇到眼花撩亂、d變形金剛太過人性化，居然識傾偈、打到亂晒大籠，d外景戲有時變咗廠景，有時又去咗大陸，唔知就比佢嚇死，知就比佢激死！男主角唔型，女主角唔算靚！.......散場出字幕d觀眾一個二個起身走，唔似其他好睇嘅戲會坐多陣回味下。

都會有人話好睇, but唔係我杯茶！