出入域多利監房

有一日接到域多利監房修理電話嘅order。

域多利監房響大館上面，都係我負責範圍之內，所以間中都要入去。

通常去到更房門口報到，然後問清楚邊個分機壞，及壞機位置，位置好緊要，如果響監房出面，可以掛著証件自出自入，但如果響監房內就麻煩，點麻煩？要人帶，無關修理嘅通通要放低響更房，包括隨身用品，銀包，原子筆，甚至要除皮帶，除鞋帶，只淮帶登記咗嘅工具。入到去，唔好望犯人，拿拿聲整，整完即走，如果出番去對過d物品唔齊仲煩，不過我未試過。

都試過靜雞雞望下單人倉，入面真係得一張石屎床，床後有幅矮牆仔，之後有個蹲廁，有個洗手盆，就係咁，除了辦大事蹲低比人睇唔到之外，做乜都比人睇哂。