開年飯

o岩o岩洗完碗，今晚超多碗多碟多煲洗，13人食飯，9餸一湯，全部3叔姐一手一腳攪掂。

3叔姐將雪櫃兩隻青邊鮑（3叔姐話攪慢咗比隻鮑魚黐咗底）加竹絲雞煲湯，成煲飲晒。


個湯美味、清甜，可惜小張子不適，連帶小牛都無o黎無得飲。（利是都未比小牛添）


鮑魚切片加菜軟，又一味餸。




3叔姐準備緊帶子蝦仁炒蛋。




例牌：炆蠔豉發菜冬菇、齋、炒粒粒、雞、老少平安、家鄉魚餅。












e個第一次煮比家人食：豉蜜排骨，影得唔靚，不過大家都讚好味，用少少麥芽糖煮。


最年輕嘅4位要坐梳化食，因為飯枱坐得9個人。


大家一邊食一邊讚3叔姐，好味之餘，都覺得3叔姐辛苦，跟住放低碗筷，一論掌聲，衷心獻比3叔姐。我真係除咗洗碗，乜都無做，大爺咁掛住睇波，3點睇到7點半。




今年嘅年花，簡簡單單。