地鐵碌花生

地鐵碌花生？無錯！響地鐵車箱坐響個位碌花生！

話說今晚落到太子站往中環嘅月台，有兩位地鐵職員剛剛黎到，剎有介事，各佔一門，準備上車。列車到達，等人落晒車，兩位地鐵職員即刻上車，走埋一位男士面前話：“先生，地鐵唔準食野架！”原來e位仁兄，大無私樣，一邊坐地鐵一邊碌花生，仲食有衣果隻。d殼同衣一櫈一地都係。相信有人睇唔過眼，話比司機聽，司機叫職員上車。

點知個男人話：“我見有人食雪糕喎！”仲講大話。兩位職員要位仁兄執番晒d殼同衣，執到佢過咗站都未執完。

雖然睇到一幕大快人心嘅“捉到正”，可惜始終都放過條友仔，仲執得唔係好乾淨，個地仲有殼架，就比佢落車。