打貓

去飲必定有雞，如果係炸子雞，雞身同雞頭會分開炸，因為一大鑊油同時炸個頭會炸到黑晒個身都未炸好。然後斬雞排好，每個傳菜捧住碟雞，去到廚房門口，個“打荷”先至每碟放番一個雞頭落碟。所以，去飲隻雞個雞頭多數都唔係同一隻雞既！

打荷=廚房內乜都要做既人，例如負責將粘板切好配好的原料腌好調味、上粉上漿、用爐烹制、協助廚師制作造型。簡单的說就是廚房裡面的全能選手也是一個雜工，什么都需要做，但什么都不是一把手。

咁“打貓”係乜呢？即係偷食，每次去飲，食到尾都無乜人食（e家d人都開始注意“廚餘”問題），當傳菜捧回食剩的食物返廚房，見到舊餸好乾淨，無人點過，就忍唔住偷舊食。我都試過幾隻蟹鉗無人食，咪食隻囉，肚餓呀！不過千祈唔好比人睇見！

待續......