條腰最痛

初初做枱，小心奕奕，如何揸“分更”、如何用筷子夾斷麵，一早操熟；但分翅都要小心，如何將翅平均分比12碗，秘訣就係一開始幾碗唔好分咁滿，寧願之後加番，好過之前幾碗“畢”太滿到後面幾碗唔夠要由前幾碗“畢”番轉頭就肉酸。分翅最重要係分晒，一滴都唔好剩，因為“貴”。

分魚都好有技巧，一刀中間切落去，將魚肉向兩邊放，抝斷魚頭魚尾另放吉碟，跟住起魚骨，淋豉油，就開始分魚，千祈唔好急，攪到魚肉爛晒，不過動作要快，要襯熱，因為12個口已經張開等緊食。

唔覺唔覺彎住腰分8個餸加埋單尾飯麵，條腰好似斷開咁。

- 完 -