好快又過年

好快又過年。

細個好鍾意過年，燒炮仗，買白豆槍，買野食，利是，所有利是錢都係自己袋，唔使上繳。

結婚後好鍾意過年，可以派利是，好有滿足感。

開始無雙糧（張永霖做CEO時cut晒），淨得12個月齋糧之後，好怕過年，因為年關越黎越難過，要送禮，又食團年飯又食開年飯，要派利是……老電傳統，結咗婚要派比未結婚，上一級要派比下級，好似我d基層管理員，以前坐機樓平均每年派130封（只計算公司範圍內），每封$20都$2,600；e家搬離機樓，平均80封，都$1,600，cheap cheap地去轉泰國玩3日都可以。

好彩家有賢內助，年頭開個零存整付，年尾不至於咁無預算。